DÍA DA PAZ

O pasado venres celebramos o día da Paz no noso cole. Estabamos todos e todas moi guapos coas camisetas brancas que pintamos con mensaxes de paz. Na nosa clase pintamos " Paloma "de Picasso. Quedaron unhas camisetas moi bonitas. No corredor do cole fixemos un gran mural coa palabra PAZ, na que fomos pegando as fotos de todos e todas as persoas que convivimos no cole. , Cantamos cancións sobre a Paz acompañados da guitarra da profe Inés, que é a profe de musica.Por último fixemos unha gran roda e démonos moitos achuchóns e bicos.

FELICES FESTAS A TOD@S!!!!!!!!!!!!

Queremos desexarvos unhas felices festas

O NOSO CASTELO ENCANTADO.

No corredor do pavillón de Infantil, ao ladiño da nosa aula, construímos un castelo encantado onde deixamos voar a nosa imaxinación. Estaba cheo de morcegos e de pequenas pantasmiñas, que asustaban a todas as persoas que por alí pasaban.

PEQUENOS EXPLORADORES DO OUTONO

Coñecedes a Dora La Exploradora?. Nós somos os seus fans número un. Encántanos explorar e investigar sobre todas as cousas. Un día, decidimos sair ao monte que rodea ao colexio e puxemos a traballar os cinco sentidos e descubrimos moitas cousas. Varias clases de cogumelos, plantas que nunca víramos, bichiños, olores...

FESTIVAL DE NADAL

O 22 de decembro, celebramos o festival de Nadal no Centro Social de Escarabote. Houbo moita xente, e nós, sentímonos como unhas verdadeiras estrelas de cine coa nosa representación. Aplaudíronnos moito, moitííííísimo.

PAPÁ NOEL

Polo Nadal, tivemos unha visita moi especial que nos trouxo umha morea de caramelos.

ANIVERSARIO DE IRIS MARÍA

Polo 3º Aniversario de Iris elaboramos unhas mini tartas con unhas tartaletas xigantes bañadas en chocolate, cheas de natillas e nata e fideos de chocolate. Unhas bombas de doce que comemos ata rematalas todiñas. Seguro que ninguén de nós comeu ao chegar a casa.

SAMAÍN

Celebramos o Samaín vestidos de persoaxes terroríficos. No xinnasio, cada aula interpretou un baile ou unha canción. Nós, bailamos e cantamos a dos esqueletos.
Cuando el reloj, marca la 1, los esqueletos salen de su tumba.
Tumba, tumba, tumba...
Cando remataron todos os cursos, baixamos ao corredor da planta baixa e fixemos unha merendola na que tamén estaban as nosas familias.
En cada aula de Infantil, fixemos un Taller de Cociña de tartas terroríficas.A da Pantasma é a nosa, a do morcego a de 4 anos e a da cabaza dos nenos e nenas de 5 anos. A que dan gañas de comelas?

CARAUTAS DE CABAZAS

As cabazas son típicas do Samaín. Como Aitana quería asustar aos maiores fixemos unhas carautas de cabazas.

UNHA EIRUGA MOI LARPEIRA

Algunha vez comiches a un personaxe dun libro? Pois nós si. Comemos a Eiruga Larpeira de Eric Carl. Para larpeiros nós.

ANIVERSARIO DE ANTÓN

Polo 3º Aniversario de Antón elaboramos unha receita coa que nos puxemos as botas, non por que chovese se non por que a tarta estaba sabrosísima.

ANIVERSARIO DE AITOR

No mes de outubro celebramos o Aniversario de Aitor. Fixemos un taller de cociña riquísimo. " Tartaletas "