OLA A TOD@S

Xa sabemos que vos temos un pouquiño abandonados pero moi pronto poderedes ver algúns dos traballos que fixemos ou estamos a facer durante este curso. A VENDIMIA,algún OBRADOIRO DE COCIÑA, o que estamos facendo sobre o O MEDO e algunhas cousiñas máis. Bicos

MEMORIA ANUAL CURSO ESCOLAR 2010/11

Na seguinte presentación a modo de libro poderedes ver, como foron os nosos primeiros pasos no cole, algúns dos proxectos que se levaron a cabo na nosa aula, como celebramos as festas, algún taller de cociña,os nosos momentos emocionantes, . Esperamos que vos guste.Aitana, Aitor, Antón, Carla, Carlota, Hyzadora, Iris, Shaila, Uxía e a profe Xoana.
EDUCACIÓN INFANTIL ESCARABOTE 2010-11

EMOCIONANTE REENCONTRO

Qué emocionante é a miña profesión!
En que outro traballo me recibirían despois de tanto tempo fora, cos ollos como platos, as bocas abertas, con bicos xigantes e emocionantes apertas, ademais de unha chea de agasallos.Eu tamén lles levei uns regaliños: un para compartir e outro para comer.

Estabamos nerviosiiiiiisimos, eléctricos, eufóricos... Despois de tanto tempo, todos tiñamos moito e moito que contar. Non nos chegou o tempo a nada. Fíxose moi corto.
O día de onte encheume de alegría ao volver a ver aos meus nen@s, pero ao mesmo tempo de tristeza.Contaba con incorporarme este martes pero non pode ser. O xoves pasado tiven unha recaída e non podo voltar polo de agora.Que desesperación!.Os días pasan e o remate do curso está tan próximo...
Alíviame que están en moi boas mans. Sei de sobra como traballa a profe Bego e sei que o fai moi, moi ben. Ademais falamos continuamente, sincronizamos o traballo e falamos de todo o que pasa.



Nota: Acordádesvos das fotos que vos pedira da familia?, si facedes o favor ídellas mandando a Bego, que logo mas pasa a min. Ei de mandar unha nota a casa, para recordárvolo.

Eu espero poñerme ben dunha vez e poder rematar o curso. De todas formas si eso non pode ser, convocareivos a unha reunión cando rematen as clases.
BICOS A TODOS E TODAS E GRAZAS POLO VOSO APOIO.

FELIZ 4º ANIVERSARIO CARLIÑA!!!!!

O luns 23, foi o aniversario de Carla. Xa cumple 4 anos. Para a semana se sae todo ben, teremos un taller de cociña no que nos imos a chupar os dedos. Celebraremos o cumpre de Uxi, o de Xoana e o de Carla. CUNHA GRAN TARTA CHEA DE GOLOSINAS. BICOS CARLA. .

UXI E A PROFE ESTÁN DE ANIVERSARIO!!!!

Ola a todos e todas! Hoxe é un día especial para Uxía e para a profe Xoana. Hoxe é o seu Aniversario. Uxi cumpre 4 aniños e o da profe tamén remata en no número 4. Vamos a ter que esperar un pouquiño para facer o noso taller de cociña e elaborar unha rica tarta pero cando volva ( ainda vou tardar un pouquiño )celebraremos unha gran festa.
Teño moitas, moitas , moitas gañas de vervos . BICOS para todos e todas e sobre todo para Uxi que hoxe é o seu día especial. Muuuuuaaaaaaaaa!!

OLA!!!!!!!!

Ola a todos e todas!. Quero que sepades que saíu todo moi ben e que vos agradezco o voso interés.

Eu tamén boto de menos aos meus pequerrechos pero ao mesmo tempo estou moi contenta por que van a estar en moi boas mans coa profe Begoña. O mundo a veces é moi pequeno, e douse a casualidade de que Bego e eu formamos parte dun grupo de traballo formado por 7 mestras que nos adicamos a investigar e recibir formación sobre un tema para posteriormente levalo a cabo nas nosas aulas. .As dúas traballamos na mesma liña polo que os nenos/as non van sentir un gran cambio. Moitos bicos e abrazos para todos e todas. Grazas.

XAPÓN

Hoxe tivemos unha mañá moi axetreada. Pasamos case toda a mañá falando e buscando información. Cando nos demos conta, xa era hora de marchar para casa. No faladorio, a profe contounos que o venres, producírase un terremoto en Xapón. O primeiro que fixemos foi buscar Xapón no noso mapa do mundo e no globo terráqueo. Vimos que é un país formado por 4 illas e que está moi lonxe de España. Pero ,que é iso dun terremoto. No DVD dos volcáns, hai un capítulo que trata dos terremotos e visionamos o video.. Aprendemos moitos cousas novas como por exemplo: A terra está viva e en contínuo cambio. Antigamente os continentes estaban unidos pero pouco a pouco fóronse separando. Cando chocan as placas tectónicas prodúcense os terremotos e móvense moito as cousasSi se produce no mar provoca olas xigantescas como foi no caso de Xapón e a esas olas chamámoslle Stunamis. Vimos as novas nos xornais que trouxo a profe. Eran do fin de semana e o de hoxe. Canta información! Tivemos para un bo anaco de faladorio. A través da fiestra observamos o mar e falamos de como sería un stunami aquí en Galicia. No recanto do planeta terra puidemos ler algúns libros relacionados cos terremotos. Por último, fixemos un simulacro de como as placas tectónicas que están dentro da terra chocan e provocan un terremoto. Como se movían as mesas!

OS MINI VOLCÁNS

.
Todos os volcáns teñen nome e o noso non ía ser menos!. De mutuo acordo decidimos chamarlle O " Volcán Escarabote". Un día destes vai entrar en erupción .
A verdade é que nos gustou moito como quedou. É bonito e podemos xogar con el e cos dinosaurios, polo que decidimos facer uns mini volcáns para levalos á casa.

Aínda non os rematamos pero van a ser como o grande. Tamén temos pensado facer uns dinosaurios para que vivan arredor do volcán. Xa volos ensinaremos

MAQUETA DE VOLCÁN

O tema dos volcáns parécenos fascinate. Tanto nos gusta que fixemos unha maqueta de volcán. Dounos un pouco de traballo. Tivemos que facer a maqueta dúas veces pero ollade o resultado.A que valeu a pena tanto esforzo?.

Se tendes problemas para ver a presentación, preme no título da entrada.

VÍDEO DE VOLCÁNS

Na biblio atopamos un DVD sobre volcáns súper chulo. Vimos como se formaban, os tipos que hai. Aprendemos moitas cousiñas interesantes

AREA E PEDRAS VOLCÁNICAS.

A mamá da profe chámase Sara, estivo de vacacións en Canarias. Acordouse de nós e tróuxonos unhas pedras volcánicas e un pouquiño de area. As pedras son moi escuras e a area, negra, negra,. Puidemos ulila, tocala, sentila...non é como a de aquí, clarita, e para nós máis bonita.

MOMENTOS EMOCIONANTES DO ENTROIDO 2011

O día do festival de entroido pasamos uns momentos moi divertidos e emocionantes. O tema central xirou entorno ao circo. Todo o cole encheuse de personaxes circenses, Magos, pallasos, arlequíns, bailarinas, animais...Ollade, ollade ,pasámolo pipa!

ENTROIDO 2011

LIBRO

Carlos o papá de Carla, creou o texto dun conto sobre a terra e os volcáns.Modificámolo só un pouquiño e agora o estamos a ilustrar. Cando o rematemos habémolo de colgar no blog. Grazas papá Carlos

VIAXE AO CENTRO DA TERRA

Nun libro moi interesante, vimos que a terra está formada por diferentes capas: o núcleo, o manto e a corteza terrestre. Con plasti fomos compoñendo pouco a pouco o globo terráqueo que quedou unha chulada pero si soubésedes o que pesaaaa. Logo comparamos o noso planeta co globo terráqueo que temos na aula e salíunos case que igualiño. Pero para non esquencer que dentro da terra hai unhas capiñas pegámoslle un corte como se fose un pastel de aniversario.O malo e que non o podemos comer.



COMO O FIXEMOS? Pois primeiro fixemos o núcleo interno empezando cunha unha boliña pequeniña de cor amarelo canario, logo cubrimos con amarelo ovo para o núcleo externo, logo con laranxa para o manto, como tiñamos pouca plasti mezclamos a cor marrón e a cor carne para o manto externo e por último a corteza terrestre de cor azul e de cor marrón. Fixádevos canto amasamos: